بارکھان واقعہ، پولیس کا کھیتران کے گھر چھاپہ، ’کابینہ سے برطرف نہیں کیا‘

صوبائی وزیر داخلہ میر ضیا لانگو نے گفتگو کرتے ہوئے کہا کہ ’وزیراعلیٰ بلوچستان کی ہدایت پر ہم نے جے آئی ٹی تشکیل دی ہے، واقعے کی غیرجانبدارانہ تحقیقات کرائیں گے۔واقعے سے قبل تمام کمشنرز کو نجی جیلوں سے متعلق مفصل رپورٹ مرتب کرنے کی ہدایات جاری کی تھی، کمشنرز نے کہیں بھی کسی قسم کی نجی جیل کی نشاندہی نہیں کی تھی۔

قبل ازیں وزیر اعلیٰ بلوچستان نے بارکھان واقعے کا نوٹس لیتے ہوئے محکمہ داخلہ کو واقعہ کی غیر جانبدارانہ تحقیقات کے لیے جے آئی ٹی تشکیل دینے کی ہدایت کی تھی۔ انہوں نے یقین دہانی کرائی تھی کہ متاثرہ خاندان کے ساتھ نا انصافی نہیں ہونے دی جائے گی۔

بلوچستان اسمبلی کے اجلاس میں بھی بارکھان واقعے کی گونج رہی اور صوبائی وزیر اسد بلوچ نے کہا کہ بارکھان واقعے کی مذمت کرتا ہوں، پہلے سردارایماندارتھے ، اب نہیں رہے۔ علاوہ ازیں رکن اسمبلی نصیر شاہوانی نے جوڈیشل انکوائری کا مطالبہ کیا اور نصیب اللہ مری نے کہا کہ چیف جسٹس سپریم کورٹ اور بلوچستان ہائی کورٹ جوڈیشل کمیشن بنائیں، حکومت خاتون کے دیگر بچوں کو بھی بازیاب کرائے۔

کوہلو ے مری قبائل کوئٹہ کے ریڈ زون میں داخل جب عدالتیں خاموش ہو تو عوام خود نکل آتی ہے۔۔۔!!!#بلوچ_خاتون_کو_انصاف_دو pic.twitter.com/CtAZoiB7xZ

— Muhammad Shahmeer Khan (@MSK_Offiicial) February 21, 2023

قائد حزب اختلاف ملک سکندر ایڈوکیٹ نے کہا کہ خاتون اور اسکے بچوں کو قتل کرناقابل مذمت ہے، اس واقعہ پر سب آوازبلند کریں ،ملزمان کو سزا ملنی چاہیے۔ ثنا اللہ بلوچ نے کہا کہ ’یہ بلوچستان میں پہلا واقعہ نہیں بلکہ اس سے پہلے بھی ایسے معاملات ہوچکے ہیں، معاشرے میں عورت کا مقام قابل احترام رہا ہے، اس واقعہ ہے پر پورے بلوچستان کے لوگ افسردہ ہیں، ایسے واقعات سے بلوچستان کا مسخ شدہ چہرہ سامنے آرہا ہے، جوائنٹ انوسٹی گیشن ٹیم بناکر اس کی عدالتی تحقیقات کروائی جائیں۔

کیتھران کو کابینہ سے برطرف نہیں کیا

واقعے کے بعد یہ خبریں بھی سامنے آئیں کہ مذکورہ وزیر کو کابینہ سے برطرف کردیا گیا ہے جس پر بلوچستان حکومت کی ترجمان فرح عظیم نے بتایا کہ تحقیقات مکمل ہونے پر بارکھان واقعے کے حقائق سامنے آئیں گے، ابھی وہ کابینہ کا حصہ ہیں اور جب تک تحقیقات مکمل نہیں ہوتیں کام کرتے رہیں گے۔

https://twitter.com/Stify_stuff/status/1628079303626829834?s=20