لاپتہ افراد کے خاندانوں کے دکھ میں برابر کے شریک ہیں، آصف غفور
پاک فوج کے ترجمان نے اپنے ذاتی ٹویٹر اکاؤنٹ سے ٹویٹ شیئر کیا جس میں اُن کا کہنا تھا کہ ہمارے دل تمام لاپتہ افراد کے اہل خانہ کے ساتھ دھڑکتے ہیں۔
اُن کا کہنا تھا کہ ہم ان خاندانوں کے دکھ میں برابر کے شریک ہیں اور لاپتہ افراد کو تلاش کرنے کی کوششوں میں ان کے ہمراہ ہیں۔ اپنے پیغام میں انہوں نے مزید کہا کہ ہزاروں فوجی جوانوں نے اپنے ہم وطن پاکستانیوں کے تحفظ کے جانیں قربان کیں، کسی کو نقصان نہیں پہنچا سکتے۔ ساتھ ہی انہوں نے تاکید بھی کی کہ کسی کو بھی کسی بھی طرح اس معاملے کو خراب نہ کرنے دیا جائے۔
یاد رہے آصف غفور اپنے ذاتی ٹویٹر اکاؤنٹ سے مختلف چیزیں شیئر کرتے رہتے ہیں اس کا پاک فوج کے شعبہ تعلقات عامہ سے کوئی تعلق نہیں ہوتا۔
Our hearts beat with families of every missing person. We share their pain and we are with them in the process of tracing them. Thousands of soldiers have laid lives for security of fellow Pakistanis. Can’t harm anyone. Let none exploit the issue on whatever context. With you.
— Asif Ghafoor (@peaceforchange) May 9, 2019
گزشتہ دنوں آصف غفور نے پریس کانفرنس میں اعتراف کیا تھا کہ ہم کسی کو لاپتہ کرنا نہیں چاہتے البتہ جنگ اور محبت میں ہر چیز جائز ہے۔ اُن کے اس بیان پر لاپتہ خاندانوں نے غم و غصے کا اظہار کیا تھا۔