خیر پور میں بچے سے زیادتی کے ملزم کی رہائی پر سندھ حکومت کا بڑا اعلان
سندھ حکومت نے خیرپور میں بچے سےجنسی زیادتی میں ملوث ملزم کی رہائی کیخلاف اپیل دائر کرنے کا فیصلہ کیا ہے۔
سندھ حکومت کے ترجمان اور مشیر قانون مرتضیٰ وہاب نے بتایا کہ پراسیکیوٹر جنرل کو سندھ حکومت نے ملزم سارنگ شر کی رہائی کے خلاف اپیل دائر کرنے کی ہدایت کی ہے۔
انہوں نے کہا کہ ملزم کی بچے کے ساتھ بدفعلی کی ویڈیو موجود ہونے کے باوجود عدالت نے ٹیچر کی رہائی کا فیصلہ کیا، عدالت کا تحریری حکم موصول ہوتے ہی نظر ثانی اپیل دائر کی جائے گی۔
واضح رہے کہ ملزم سارنگ کی طالب علم کے ساتھ بدفعلی کی ویڈیو سوشل میڈیا پر وائرل ہوئی تھی جس کے بعد سول سوسائٹی سمیت ملک بھر میں احتجاج کیا گیا تھا جس پر ملزم کو گرفتار کیا گیا۔
#SindhGovt will be filing appeal as as soon as written judgment is issued. So far just a short order acquitting Sarang Shar, clearly shown to be molesting the child in a video, has been announced by court. Chairman Bilawal is also following up on this issue. Will keep all posted https://t.co/LUJunxdzJW
— Murtaza Wahab Siddiqui (@murtazawahab1) April 29, 2023
اب ملزم کی رہائی پر بھی سوشل میڈیا پر صارفین نے شدید احتجاج کیا اور عدالتی سسٹم کے ناقص معیار اور فیصلے پر شدید تحفظات کا اظہار کیا تھا۔